தற்போது மத்திய வீட்டுவசதி மற்றும் நகர்ப்புற விவகாரங்கள் அமைச்சகத்தின் அரசு செயலாளராகப் பணியாற்றுகிற திரு. மனோஜ் ஜோஷி, இ.ஆ.ப., அவர்கள், கேரளாவைச் சேர்ந்த இந்திய ஆட்சிப் பணியின் 1989-ஆம் ஆண்டு தொகுதியைச் சேர்ந்தவர் ஆவார். இவர், மத்திய அரசு மற்றும் மாநில அரசின் உணவு பதப்படுத்தல், நிதி, பணியாளர் நிருவாகம், பொதுப் பணி, வணிகம் / தொழில், மக்கள் நல்வாழ்வு மற்றும் குடும்ப நலம், துறைமுகங்கள் / போக்குவரத்து, கேரள மாநில தொழில் வளர்ச்சிக் கழகம் முதலிய துறைகளில் பல்வேறு பணிப் பொறுப்புகளை ஏற்றுக் கொண்டுள்ளார். இவர், இராஜஸ்தான் தேசிய தொழில் நுட்ப நிறுவனத்தில் இயந்திரப் பொறியியல் பட்டம் பெற்றுள்ளார்.

திரு. அர்ச்சுனன் அவர்கள், இந்திய இரயில்வே பொறியியல் பணித்துறையின் 1989 ஆம் ஆண்டு தொகுதியைச் சேர்ந்தவர் ஆவார். இவர், மதுரை, தியாகராசர் பொறியியல் கல்லூரியில் கட்டடப் பெறியியலில் இளநிலை பொறியியல் ஹானர்ஸ் பட்டமும், (1984-1988) இந்திய அறிவியல் நிறுவனத்தில் கட்டுமானப் பொறியியலில் முதுநிலை பொறியியல் பட்டமும் (1988-1990) பெற்றவர் ஆவார்.

சென்னை மெட்ரோ இரயில் நிறுவனத்தில் இயக்குநராகப் (திட்டங்கள்) பதவியேற்பதற்கு முன்னர், இவர் இந்திய இரயில்வே துறையில் சுமார் 20 ஆண்டுகளும், சென்னை மெட்ரோ இரயில் நிறுவனத்தில் 5 ஆண்டுகள் முகமையிலும், கொச்சி மெட்ரோ இரயில் நிறுவனத்தில் 5 ஆண்டுகள் இயக்குநராகவும் (திட்டங்கள்), பணியாற்றியுள்ளார். இவர், இரயில்வே இருப்புப் பாதைத் தடப்பராமரிப்பு, இரயில்வே இருப்புப்பாதைத் தடம் அமைக்கும் (பதிக்கும்) பணிகள், மண் பணிகள், பாலங்கள் கட்டுதல், அகலப் பாதையாக மாற்றுகிற பணிகள், இருப்புப் பாதை தடத்தைப் புதுப்பித்தல், வேகக் கட்டுப்பாடுகளை நீக்குதல் மற்றும் பயணிகளுக்கான வசதிகள் தொடர்பான பணிகள் ஆகியவற்றில் பரந்த அளவில் அனுபவம் பெற்றுள்ளார்.

திரு. அர்ச்சுனன், 2021-ஆம் ஆண்டு ஜுன் திங்கள் முதற்கொண்டு சென்னை மெட்ரோ இரயில் நிறுவனத்தின் இயக்குநராகவும் (திட்டங்கள்), சென்னை மெட்ரோ இரயில் நிறுவனத்தின் இயக்குநர்கள் குழுவில் உறுப்பினராகவும், சென்னை மெட்ரோ கட்டம் I நீட்டிப்பு (9 கி.மீ), 128 இரயில் நிலையங்களை உள்ளடக்கிய மொத்தம் 3 வழத்தடங்களுடன் கூடிய கட்டம் II (119 கி.மீ) ஆகியவை தொடர்புடைய கட்டடப் பணிகளுக்கும் இவர் பொறுப்பு வகிக்கிறார். கட்டம் II, 42 கி.மீ, நிலத்தடி (சுரங்க) இரயில் நிலையங்களையும், 77 கி.மீ உயர்மட்ட இரயில் நிலையங்களையும் கொண்டுள்ளது. இத்திட்டம், ஒரே நேரத்தில் மேற்கொள்ளப்பட்டு வருகிறது. இது, இந்தியாவிலேயே மிகப் பெரிய திட்டங்களுள் ஒன்றாக உள்ளது. திரு. அர்ச்சுனன், குஜராத் மெட்ரோ இரயில் நிறுவனத்தின் இயக்குநர்கள் குழுவில் ஓர் இயக்குநராக உள்ளார்.

முனைவர் பிரசன்ன குமார் ஆச்சார்யா அவர்கள், வணிகவியலில் முதுகலைப் பட்டம் பெற்றவர் ஆவார். தகுதி பெற்ற நிருவாகக் கணக்காளர், நிறுவனச் செயலாளர், சட்டப்படியான தொழில்முறை வல்லுநர், தொழில் நிருவாகத்தில் முதுகலைப் பட்டம், வணிகவியலில் முனைவர் பட்டம் ஆகிய தகுதிகளையும் பெற்றுள்ளார்.

முனைவர் பிரசன்ன குமார் ஆச்சார்யா அவர்கள், சென்னை மெட்ரோ இரயில் நிறுவனத்தின் இயக்குநராக (நிதி) உள்ளார். சென்னை மெட்ரோ இரயில் நிறுவனத்தின் இயக்குநர்கள் குழுவில் ஓர் உறுப்பினராகவும் உள்ளார். பயிற்சி மற்றும் திட்டமிடல் & தொழில் மேம்பாட்டுத் துறைகள் உட்பட நிதி கணக்குகள், மனிதவள மேம்பாடு மற்றும் நிருவாகம் ஆகிய துறைகளுக்கும் இவர் பொறுப்பு வகிக்கிறார்.

முனைவர் பிரசன்ன குமார் ஆச்சார்யா, மொத்தம் சுமார் 27 ஆண்டுகள் பணி அனுபவம் பெற்றுள்ளார். இவர், சென்னை மெட்ரோ இரயில் நிறுவனத்தில் பணியாற்றுவதற்கு முன்னர், நவரத்னா பொதுத்துறை நிறுவனம் அதாவது NTPC நிறுவனம், நெய்வேலி பழுப்பு நிலக்கரி நிறுவனம், ஒடிஸ்ஸா கட்டமைப்பு கழகம் (ஒரு அரசு பொதுத்துறை நிறுவனம்) ஒரு தலைமை தனியார் துறை நிறுவனமான டாடா மின்சக்தி நிறுவனம் ஆகியவற்றில் பணியாற்றிய அனுபவம் பெற்றுள்ளார்.

இவர் ஒரு மின்பொறியாளர் ஆவார். இவர், தில்லி, இந்திய தொழில்நுட்பவியல் நிறுவனத்தில் இளநிலை தொழில்நுட்பவியல் பொறியியல் பட்டமும் IGNOU-வில் HRM-ல் (மனிதவள நிருவாகத்தில்) பட்டயமும் பெற்றவர் ஆவார். BEE யிடமிருந்து சான்று பெற்ற மின்சக்தி தணிக்கையாளரும் ஆவார்.

இந்திய இரயில்வே துறையில் 29 ஆண்டுகள் பணியாற்றிய இவர், இரயில்வே மின்மயமாக்கல் பணிகள், ஒப்பந்தப் புள்ளிகள் கோருதல், ஒப்பந்த நிருவாகம், ஏனைய கட்டுமான நடவடிக்கைகள் / திட்டங்கள், இழுவிசை விநியோகச் சொத்துக்கள் பராமரிப்பு, இரயில் பெட்டிகளின் பொதுவான பழுதுபார்ப்புப் பணிகள் மற்றும் பராமரிப்பு ஆகியவற்றில் பரந்த அனுபவம் பெற்றுள்ளார்.

இந்திய இரயில்வே துறையில் 29 ஆண்டுகள் பணியாற்றிய இவர், இரயில்வே மின்மயமாக்கல் பணிகள், ஒப்பந்தப் புள்ளிகள் கோருதல், ஒப்பந்த நிருவாகம், ஏனைய கட்டுமான நடவடிக்கைகள் / திட்டங்கள், இழுவிசை விநியோகச் சொத்துக்கள் பராமரிப்பு, இரயில் பெட்டிகளின் பொதுவான பழுதுபார்ப்புப் பணிகள் மற்றும் பராமரிப்பு ஆகியவற்றில் பரந்த அனுபவம் பெற்றுள்ளார்.